Ronaldo mohon të ketë arritur marrëveshje me klubin Al Nassr të Arabisë Sadite

Ylli portugez, Cristiano Ronaldo, ka mohuar se ka pranuar t’i bashkohet klubit saudit, Al Nassr.

“Jo, nuk është e vërtetë”, tha sulmuesi portugez kur u pyet për një lëvizje, pas fitores së Portugalisë në Kupën e Botës ndaj Zvicrës.

Kapiteni i Portugalisë është një agjent i lirë pasi ai ra dakord reciprokisht për të ndërprerë kontratën e tij me Manchester United në nëntor.

Raportet në Spanjë thanë se Ronaldo do të luajë për Al-Nassr nga 1 janari, pasi ka rënë dakord për një kontratë 2-vjeçare me skuadrën saudite – një marrëveshje që thuhet se vlen 200 milionë euro në sezon.

Teksa Al-Nassr është oferta më e mirë dhe e vetme që Ronaldo ka në tavolinë, ai nuk ka nënshkruar asgjë me asnjë klub, raporton ESPN.

Ish-sulmuesi i Real Madrid thuhet se është plotësisht i fokusuar në Kupën e Botës në Katar dhe do të marrë një vendim për të ardhmen e tij pas turneut.