Policia e Kosovës ka bërë të ditur se ka arrestuar një shtetas të huaj, pasi i njëjti dyshohet se ka tërhequr para kundërligjshëm nga bankomatet në Kosovë.
Sipas policisë, të njëjtit i j janë sekuestruar një telefon, një SIM kartel, para të gatshme 1200 euro, 387.02 funta angleze dhe 27 kartela të ndryshme bankare, që dyshohen se janë klonuar, transmeton Klankosova.tv.
Me vendim të Prokurorit i dyshuari është ndaluar për 48 orë dhe sipas rekomandimeve do të ndërmerren veprimet e mëtejme sipas proceduarve ligjore.
Komunikata e plotë:
Më datë 03.09.2022, Drejtoria për Hetimin e Krimit të Organizuar e Policisë së Kosovës, konkretisht Sektori për Hetime të Krimeve Kibernetike, është njoftuar nga njësiti patrullues i stacionit policor Jugu në Prishtinë, lidhur me ndalimin e një personi të dyshuar për keqpërdorim të kartelave bankare
Dyshohet se i njëjti me kartela të klonuara ka tentuar ose ka tërhequr para nga bankomatët e bankave të ndryshme në Kosovë.
Në cilësi të provave dëshmive materiale janë sekuestruar:
– Një telefon celular;
– Një SIM kartel;
– Para të gatshme 1200 euro;
– Rreth 387.02 Funta Anglez;
– 27 kartela të ndryshme bankare, të dyshuara të klonuara.
Sipas detyrës zyrtare gjatë gjithë procesit ka qenë prezent avokati mbrojtës. Ndaj të dyshuarit është iniciuar rasti “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit.
Me vendim të Prokurorit i dyshuari është ndaluar për 48 orë dhe sipas rekomandimeve do të ndërmerren veprimet e mëtejme sipas proceduarve ligjore.