Gjiganti teknologjik, Apple, lëshon sot përditësimet e reja të sistemit operativ për pajisjet e veta. iOS 15.3 lansohet për iPhone dhe nuk sjell shumë ndryshime. Kryesori ka të bëjë me rregullimin e një të mete në shfletuesin e internetit.
Njohësit e çështjeve të sigurisë më herët gjatë muajit treguan se ka uebfaqe të cilat mund të shfrytëzojnë një të metë të Safarit për t’iu qasur uebfaqeve të vizituara së fundmi nga përdoruesi i telefonit e madje nëpërmjet tyre të marrin llogarinë e përdoruesit në Google.
Përditësimi do të rregullojë pikërisht këtë problem.
Nuk pritet të sjellë përditësime apo përmirësime tjera.