Protestuesit serbë kanë paralajmëruar të hënën se protesta e tyre do të vazhdojë edhe sot në komunat në veri të Kosovës, për të kundërshtuar udhëheqjen e kryetarëve të rinj kosovarë atje.
Kujtojmë se ditën e djeshme situata në veri u tensionua, sidomos në Zveçan, ku protestuesit serbë u përleshen me forcat e KFOR-it.
Protestuesit hodhën gurë, shok-bomba e koktej molotovi në drejtim të KFOR-it, ku si pasojë mbetën të lënduar disa ushtarë.
Po ashtu protestuesit sulmuan edhe mediat kosovare.