Spanja e ka eliminuar Kroacinë nga “Euro 2020”, pasi në vazhdime e mposhti me rezultat 5-3, për të kaluar në çerekfinale.
Takimi filloi më mirë për spanjollët, që rrezikuar pas vetëm 13 minutash lojë me anë të Pablo Sarabias, por goditja e tij përfundoi jashtë portë.
Shtatë minuta më vonë, nga një pasim në drejtim të Unai Simon, ky i fundit nuk arriti ta ndalte atë me sukses, duke shënuar kështu autogol.
Foto: uefa.com
Por, kroatët nuk arritën të mbaheshin si duhej, me Furinë e Kuqe që i barazoi shifrat në 1-1.
Ishte minuta e 38-të, kur Sarabia shënoi për t’i barazuar shifrat, e që përfitoi nga një tollovi e shkaktuar në zonën e Kroacisë.
Foto: uefa.com
Ndërsa, 45 minutat e dytë ishin mjaftë të furishëm, derisa u shënuan edhe tre gola të tjerë.
Ishte minuta e 57-të kur Cesar Azpilicueta përmbysi rezultatin nga një asistim nga Ferran Torres për 2-1.
Foto: uefa.com
Spanjollët nuk u ndalën me kaq dhe shënuan edhe të tretin, tani Ferran Torres (77’) ishte në listën e realizatorëve, gjersa Pau Torres ishte asistuesi.
Mirëpo, Kroacia nuk u dorëzua dhe ngushtoi epërsinë në 3-2 me golin e realizuar nga Mislav Orsic që shënoi në minutën e 85-të.
Foto: uefa.com
Kroatët vazhduan me presion të lartë edhe më tej, derisa i barazuan shifrat në 3-3 me anë të Mario Pasalic (90+2) me Orsic që ishte asistues.
Në vazhdime, lojtarët e Luis Enriques ishin edhe më të vendosur se në kohën e rregullt, duke shënuar edhe dy gola të tjerë.
Foto: uefa.com
Alvaro Morata ishte ai që e riktheu epërsinë për spanjollët, duke shënuan në minutën e 100-të nga një asistim i Dani Olmos.
Furia e Kuqe nuk u ndal me kaq dhe shënoi edhe të pestin, tani me anë të Mikel Oyarzabal (103’), e që Olmo ishte sërish asistues.
Foto: uefa.com
Spanja me këtë fitore kaloi në çerekfinale të Kampionatit Evropian, e që aty do të takohet me fituesin e takimit mes Francës dhe Zvicrës