Forcat e Armatosura të Ukrainës kanë bërë të ditur se Rusia ka humbur rreth 17.300 ushtarë, nga fillimi i pushtimit.
Në njoftimin më të fundit rreth humbjeve të ushtrisë ruse, Ukraina ka shtuar edhe 600 tanke të shkatërruara, 75 rezervuar derivatesh, 131 helikopterë dhe 1.700 mjete të blinduara.
Këto shifra vijnë nga Kyiv Independent që janë marrë nga postimi në Twitter i ministrisë ukrainase të Mbrojtjes, që tregojnë se ushtria e këtij vendi po reziston fuqishëm.
Madje edhe ekspertë perëndimorë të sigurisë kanë bërë të ditur se ushtria ruse po humb në Ukrainë, dhe se lëvizja e fundit e Kremlinit për tërheqjen e disa njësive, ka të bëjë pikërisht me këtë.