WhatsApp ka bërë një sërë ndryshimesh gjatë viteve të fundit për të përmirësuar përvojën e përdoruesit.
Përditësimi më i ri është se përdoruesit tani mund të reagojnë ndaj mesazheve, të kyçin bisedat private dhe madje të modifikojnë mesazhet e tyre.
Ka edhe disa përditësime të tjera. Një prej tyre është veçoria e re “Screen Share” që lejon kontaktet e Whatsappit të shikojnë gjithçka në ekranin e telefonit tuaj.
Kompania njoftoi përditësimin e madh javën e kaluar.
Prezantimi i “Screen Share” synon t’i lejojë përdoruesit të tregojnë fragmente nga faqet e internetit që po shfletojnë, apo dokumente që po shikojnë.
Pronari i Meta, Mark Zuckerberg postoi në lidhje me përditësimin e ri në rrjetet sociale dhe ndau një foto të tij në një telefonatë grupi WhatsApp, ku dikush po ndante ekranin e tij.
Sapo të lansohet në javët e ardhshme, përdoruesit do të shohin një ‘ikonë Share’ në aplikacion dhe pasi ta shtypin do t’u jepet opsioni për të ndarë një aplikacion specifik ose të gjithë ekranin e tyre.
Gjatë muajit të kaluar, Meta njoftoi se do t’i lejojë përdoruesit të dërgojnë mesazhe të shkurtra video 60 sekondash drejtpërdrejt në biseda.