Shqipëria ka marrë vetëm një pikë përballë Serbisë, pasi ndeshja që u zhvillua në kuadër të kualifikimeve për Kampionatin Botëror 2026 përfundoi pa gola.
Ndeshja nisi shumë mirë për tanët, që lëviznin topin rrjedhshëm dhe sigurt.
Në minutën e 12-të, Mario Mitaj lëshoi një goditje të fuqishme nga 35 metra, me Serbinë që ishte shumë me fat, pasi ishte qendrore.
Lojtarët e Shqipërisë vazhduan të sulmonin portën kundërshtare, nëpërmjet Arbër Hoxhës, ndërsa sa herë që pranonte topin – dyfishohej nga lojtarët serbë.
Në minutën e 40-të, Hoxha lëshoi një goditje të fuqishme, por që u bllokua.
Rey Manaj (45+1′) pati mundësinë e artë ta kalonte Shqipërinë në epërsi nga penalltia e fituar prej Elseid Hysajt, por dështoi.
Shqipëria vazhdoi me dominim deri në fund të minutat e pjesës së parë, por që mbrojta serbe ishte shumë e ngjeshur.
Edhe 45 minutat e dytë nisën furishëm, me Armando Brojan që shfrytëzoi shpejtësinë e tij për të mposhtur mbrojtësin serb, por që në pasimin e fundit nuk kishte ekuilibër.
Në minutën e 54-të, Thomas Strakosha bëri një pritje bravuroze, duke lënë rezultatin të pandryshuar.
Shqipëria tentoi nga të gjitha anët, por serbët ishin aq të mbyllur në defanzivë sa që një gjilpërë nuk do të depërtonte.
Nuk është një rezultat që pasqyron ndeshjen brilante që bënë lojtarët shqiptarë, pasi një pikë nuk është e mjaftueshme – megjithatë shpresojmë që në takimet tjera të marrim maksimumin.
Shqipëria është e dyta në Grupin K me katër pikë, pasi Anglisë që ka nëntë, Letonia me tri, Serbia me një dhe Andorra ende pa pikë.