Kryeministri i Kosovës, Albin Kurti, ka uruar Ditën e të dashuruarve.
Përmes një postimi në Instagram, ai ka thënë se është e bukur rastësia e fitores së tij vitin e kaluar dhe Shën Valentinit.
“Urime Shën Valentini të gjithë të dashuruarve dhe atyre që duan të bien në dashuri! Përputhja me njëvjetorin e fitores së madhe demokratike të 14 shkurtit 2021 është një rastësi e bukur”, ka shkruar ai.
Ai postimit ia ka bashkuar edhe një fotografi me bashkëshorten e tij gjatë fushatës së fundit zgjedhore.