Kryeministri në detyrë, Albin Kurti, ka bërë të ditur se Lëvizja Vetëvendosje do të nisë komunikimet me subjektet politike menjëherë pas certifikimit të rezultateve të zgjedhjeve nga Komisioni Qendror i Zgjedhjeve (KQZ).
I pyetur për hapat e ardhshëm drejt formimit të institucioneve të reja, Kurti tha se prioritet mbetet përfundimi i procesit të certifikimit të rezultateve zgjedhore.
“Sapo të certifikohen rezultatet, fillojmë komunikimet menjëherë”, deklaroi ai.
Deklarata e Kurtit vjen në një kohë kur pritet finalizimi i procesit zgjedhor dhe intensifikimi i përpjekjeve për krijimin e institucioneve të reja të vendit.