Bordi Kombëtar i Administrimit të Karburanteve në Shqipëri vendosi uljen e çmimit të naftës në pikat e tregtimit me pakicë në 231 lekë [1.88 euro] për liter nga 237 lekë [1.93 euro] për litër që ishte më parë.
Vendimi i bordit është i vlefshëm për periudhën 1-2 prill.
Në mbledhjen e djeshme, Bordi i Transparencës vendosi çmimet e reja të shitjes së karburanteve me pakicë dhe shumicë për tregun vendas. Këto çmime reflektojnë ndryshimet që janë shfaqur në tregjet ndërkombëtare.
Bordi i Transparencës miratoi çmimin tavan të tregtimit me shumicë të produkteve për datën 1-2 prill. Konkretisht çmimi i naftës me shumicë do të jetë 219 lekë [1.78 euro] për litër, çmimi i benzinës 200 lekë [1.63 euro] për litër dhe çmimi i gazit të lëngshëm 103 lekë [0.84 euro] për litër.
Ndërsa çmimet tavan të tregtimit me pakicë janë: nafta do të tregtohet me 231 lekë për litër, benzina me 212 lekë [1.7 euro] për litër dhe gazi i lëngshëm me 115 lekë [0.9 euro] për litër.