Lëvizja Vetëvendosje (LVV), ndonëse ka dalë subjekti më i votuar në zgjedhjet e 7 qershorit, ka shënuar një rënie të konsiderueshme të mbështetjes krahasuar me zgjedhjet e dhjetorit 2025.
Sipas të dhënave preliminare, LVV ka humbur rreth 135 mijë vota në nivel vendi, ndërsa rënia më e theksuar është regjistruar në disa nga komunat më të mëdha të Kosovës.
Prizreni prin në listën e komunave ku Vetëvendosje ka humbur më së shumti vota, me 12,516 vota më pak krahasuar me zgjedhjet e kaluara. Pas Prizrenit vjen Prishtina me një rënie prej 11,731 votash, ndërsa Podujeva renditet e treta me 9,853 vota më pak.
Humbje të ndjeshme janë regjistruar edhe në Ferizaj (-9,365), Gjilan (-8,588) dhe Suharekë (-8,474), komuna që në zgjedhjet e mëparshme kishin qenë ndër bastionet më të rëndësishme elektorale të partisë së kryeministrit në detyrë, Albin Kurti.
Rënie e mbështetjes është evidentuar edhe në komunat tjera:
- Rahovec: -6,664 vota
- Gjakovë: -6,192 vota
- Vushtrri: -5,929 vota
- Mitrovicë e Jugut: -5,712 vota
- Pejë: -5,231 vota
- Viti: -5,138 vota
- Malishevë: -4,966 vota
- Lipjan: -4,748 vota
- Istog: -3,201 vota
- Klinë: -3,197 vota
- Kaçanik: -2,989 vota
- Kamenicë: -2,896 vota
- Shtime: -2,675 vota
- Fushë Kosovë: -2,368 vota
- Deçan: -2,127 vota
- Gllogoc: -2,087 vota
- Dragash: -2,024 vota
- Obiliq: -1,732 vota
Pavarësisht rënies së konsiderueshme të votave, LVV mbetet forca më e madhe politike në vend sipas rezultateve preliminare të zgjedhjeve të 7 qershorit. Megjithatë, këto shifra tregojnë një tkurrje të ndjeshme të mbështetjes elektorale në pothuajse të gjitha komunat kryesore të Kosovës.
Analistët politikë vlerësojnë se rezultatet përfundimtare dhe shpërndarja e mandateve do të japin një pasqyrë më të qartë të ndikimit që kjo rënie e votave mund të ketë në procesin e formimit të institucioneve të reja të vendit.