Kriza energjetike dhe gazi amerikan, Kurti e Osmani nisin ti ndajnë rrugët

Qeveria e Albin Kurtit deri tash ka refuzuar gazin amerikan, projektin për të cilin ishin ndarë 200 milionë dollarë. Ai projekt tashmë ka nisur në Greqi. Por, Presidentja Vjosa Osmani të martën ka mbajtur një qëndrim krejt tjetër. Në kuadër të Takimit të liderëve të Konferencës së Sigurisë së Mynihut, i cili po mbahet në Washington D.C., Presidentja Osmani ishte folëse kryesore në tryezën me temë: Bashkëpunimi Transatlantik për Sigurinë Energjetike.

Insajderi

“Aleanca me Amerikën nuk bëhet me do gypa’, kështu e kishte refuzuar Albin Kurti projektin e gazit Amerikan që do ta përfshinte edhe Kosovën. Ishin destinuar 200 milionë dollarë.

Ky projekt tashmë ka nisur. Simbolikisht nisi ditë më parë në Greqi.

Aty përveç shumë figurave të njohura të politikës rajonale dhe evropiane, ka marrë pjesë edhe Aleksandar Vuçiq i Serbisë.

Për projektin e terminalit që do të përfundojë në fund të vitit 2023, kryeministri grek, Kyriakos Mitsotakis, ka thënë se ky është një hap esencial për pavarësim nga gazi rus.

Edhe Vuçiq e ka lavdëruar fillimin e projektit duke thënë se ‘është tepër i rëndësishëm’.

Qëndrimi kudër i Kurtit nuk po e ndal presidenten Vjosa Osmani që të jetë pro. Duket se ka nisur një ndarje e qëndrimeve për këtë temë.

Në kuadër të Takimit të liderëve të Konferencës së Sigurisë së Mynihut, i cili po mbahet në Washington D.C., Presidentja Osmani ishte folëse kryesore në tryezën me temë: Bashkëpunimi Transatlantik për Sigurinë Energjetike.