Një studim i ri sugjeron se për shëndetin e zemrës nuk mjafton vetëm të hash pesë porcione me pemë e perime në ditë, por rëndësi ka cilat prej tyre zgjedh, ka shkruar BBC.
Sipas studiuesve, shumë njerëz nuk marrin mjaftueshëm flavonile, përbërës natyralë me veti antioksiduese që lidhen me qarkullimin e gjakut, elasticitetin e enëve të gjakut dhe uljen e inflamacionit.
Pesë ushqimet kryesore që studimi rekomandon për zemrën janë:
Boronicat, që janë burim i mirë flavanolesh dhe antioksidantësh.
Kumbullat, që sipas studimit, kanë përmbajtje shumë të lartë flavanolesh.
Manaferrat, që ndihmojnë në rritjen e marrjes së flavanoleve.
Bishtajat e gjera, janë burim bimor i pasur me këta përbërës.
Qershitë, përmbajnë flavanole dhe antioksidantë të tjerë të dobishëm.
Pija që studiuesit e veçuan është çaji i gjelbër.
Një filxhan çaj i gjelbër (rreth 250 ml) mund të ofrojë rreth 200 mg flavanole, sipas analizave të studimit.
Sa flavanole përmbajnë disa ushqime?
| Ushqimi | Flavanole (afërsisht) |
| Kumbulla (500 g) | 450 mg |
| Boronica e kuqe (250 g) | 300 mg |
| Manaferrat (200 g) | 250 mg |
| Çaj i gjelbër (250 ml) | 200 mg |
| Bishtajat të gjera (80 g) | 140 mg |
| Qershitë (400 g) | 130 mg |
| Molla me lëvore (mesatare) | 110 mg |
| Dredhëzat (200 g) | 90 mg |
| Boronica (150 g) | 80 mg |
| Fasulet (2 lugë gjelle) | 70 mg |
Studiuesit kanë analizuar rreth 30,000 persona në SHBA dhe Britani dhe gjetën se edhe disa njerëz që hanin rregullisht pesë porcione fruta e perime në ditë, nuk merrnin mjaftueshëm flavanole.
“Shumica e njerëzve mendojnë se ngrënia e shumë frutave dhe perimeve mjafton, por ky studim tregon se zgjedhjet specifike kanë rëndësi shumë më të madhe sesa sasia totale”, ka thënë drejtuesi i studimit, doktori Javier Ottaviani.
Ekspertët e zemrës dhe të ushqyerjes janë më të kujdesshëm.
Sipas tyre, ani pse flavanolet mund të kenë efekte pozitive në presionin e gjakut dhe enët e gjakut, ende nuk ka prova të forta që rritja e sasisë së tyre në dietë ul drejtpërdrejt rrezikun e infarktit apo sulmet në tru.
Gjithashtu, sasia e flavanoleve ndryshon shumë nga një produkt te tjetri, në varësi të mënyrës së kultivimit, pjekurisë, ruajtjes dhe përpunimit të ushqimit.
Fondacioni Britanik i Zemrës dhe Fondacioni Britanik i Ushqyerjes kanë deklaruar se këshilla më e sigurt mbetet një dietë të balancuar me shumë lloje të ndryshme frutash dhe perimesh.