Janë përfshirë nga zjarri dy zyre në objektin e Institutit të Mjekësisë Ligjore (IML), në QKUK, shkruan Gazeta Stop.
Zëdhënësja e Policisë, Flora Ahmeti ka thënë për Express se zjarri është lokalizuar nga zjarrfikësit, teksa nuk raportohet për persona të lënduar.
Zjarr i madh në Institutin e Mjekësisë Ligjore
“Sot rreth orës 08:00, është raportuar se në Institutin e Mjekësisë Ligjore në Prishtinë , dy zyra janë përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar. Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë ajo.