Rritje e madhe e rasteve të reja me COVID-19 është regjistruar të mërkurën në Kosovë. Janë regjistruar plot 2050 raste të reja pozitive nga testimi i 9194 mostrave, ka njoftuar Ministria e Shëndetësisë.
Sipas njoftimit, pozitiviteti i rasteve sot ka qenë 22.29 për qind, që paraqet po ashtu rritje të konsiderueshme nga ditët e mëhershme.
Në 24 orët e fundit janë shëruar 462 persona. Numri i rasteve aktive ka shkuar në 7266.